افضل برامج الايفون بالصور ... !؟

lmny · 23-07-2010, 08:42 AM

السلام عليكم ورحمه الله وبركاته ...

اليوم جايب لكم برامج جميله جداً وانا منزلها على جهازي الايفون واستخدمها .. منها برامج محادثه ووومنها العاب والي أخرها ..

كل الى عليك .. تروح للسيديا .. او الاب ستور ... وتنزل البرنامج .. الى يعجبك ...

بسم الله نبدا

1- برنامج ibluenova وهو عبارة عن برنامج بلوتوث يرسل للأجهاز جميعاً من ضمنها النوكيا والاجهزه الاخرى .. جميل جدا ً ومنزله بـ تليفوني
وهذي صورته

وقبل لا أنتقل الى البرنامج الثاني .. لانزلت هالبرنامج من السيديا او الاب ستور .. لازم تنزل برنامج الـ ifile عشان تحصل المقاطع الى أستقبلتها من الجهاز الاخر ..

2- ننتقل الى برنامج .. CATEGORIES وهو عباره عن وضع مجلدات تسميها انت وتحط فيها البرامج الى تبي بالملف وترتب الايفون ليصبح كـ الوندوز ... لكم الصوره .. )

طبعا هالبرنامج ينزل من السيديا ويفضل طبعاً لان البرنامج يكون مكرك ومن غير فلوس ..

3-برنامج الماسنجر الشهير .. IM وهو برنامج جميل جداً يخلي ايميلك مبطل على طول يعني لا طلعت من البرنامج مايفصل الايميل يتم شابك واي واحد يكلمك يوصلك مسج .. مكتوب فيه عرض أو اغلاق .. ويكون ايميلك شابك ليل ونهار عكس البرامج الاخرى الى نزلت للماسنجر .. لكم صورته

4-برنامج انا صراحه أحترمه NIMbuzz
.. وهو عباره عن برنامج تستطيع ان تكلم اي شخص لديه أيفون مجاناً عبر هالبرنامج فقط سجل لك نك من غير ايميل ولا شي .. ووضيف الشخص الى تبي لازم يكون الشخص عنده نفس البرنامج .. واستمتع .. به طبعا ..

5- برنامج .. mywi
وهو عباره عن برنامج يجعل جهازك الايفون وايرلس تقدر تخلي الاب توبات الى يمك يشبكون لـ حد معين وهو 10 لابتوبات .. واستمتع انت وربعك من غير وصلة من شركه ولا غيرها وهذي صورته طبعاً

و6- .. برنامج mxtube وهو عباره عن برنامج ينزل لك مقاطع اليو توب بس تضغط ع المقطع وتطق داون لود .. وتلقاه من غير انترنت يشتغل لك على طول بـ هوم البرنامج ... وصورته ايضاً موجوده ..

7-برنامج المحادثه البلارينعو palringo وهو برنامج صراحه انا متواجد فيه .. برنامج رائع جداً راح ينسيك شي اسمه جاتات كتابيه بالمواقع وغيرها وينسيك شي اسمه لاب توب .. ميزة هالبرنامج انه قروبات .. تكتب اسم قروب وتنضم إليه وتسجل قروب وتسوي دعوه عليه طبعاً موجوده جميع الدول وفيها اعداد هايله . تستطيع تستخدمه بالكمبيوتر والايفون واي جهاز نقال عبر موقعه الشخصي .. او الايتونز للأيفون .. وعلى فكره .. يوجد به جات صوتي بنفس الوقت يعني تقدر تدز مسج صوتي وبنفس اللحظه الكل يسمعه ويرد عليك ولا فيه تأخير .. لكم صورته

8-برنامج سمارت asmrthud3d وهو يصيد لك جميع الكاميرات المروريه التي تتواجد في الشوارع ويطلع لك انذار من الجهاز اذا قربت عند الكاميره بـ اميال قليله .. وللأسف ماحصلت صوره له بالـ مواقع ..

9- برنامج picture safe وهو عباره عن برنامج يخفي لك الصور .. بس ضعها بالبرنامج وروح امسحها من الالبوم تلقى الصور فقط بس موجوده بالبرنامج وله رقم سري مثل طريقة .. (تجوري) أي يعني خزنه وهذي صورته

واخيراً وليس أخراً .. برنامج رسم الصور .. جميل جدا ورائع .. sketch me! ماعليك بس انك تصور الصوره وتخلي البرنامج يرسم لك الصوره بقلم رصاص كان رسام راسمك جميل جدا هالبرنامج وهذي .. صورته

واتمنى ان البرامج نالت على رضاكم وان شاء الله لنا بالمزيد .. لكن .. ان شاء الله اني الاقي منكم تفاعل .. لان نص ساعه عيوني مبققه ع الشاشه اجيب لكم صور البرنامج واطالع للأيفون الي عندي واختار برامج مجربها

>>>>>>>>>>>>>>>>>>>>>>>>>>

نبدا بالبرامج التاليه .. والحديثه والرائعه بنفس الوقت .. للأيفون ...

ملاحظه .. لابد ان يكون لديك برنامج السيديا واهو مووجود بالمنتدى فقط اضغط بالبحث .. عن اسم برنامج السيديا ...

اولاً : برنامج الــ OverBoard
هو عباره عن برنامج تتنقل من مكان إلى مكان بالايفون دون اغلاق البرامج المفتوحه .

2- برنامج ifile
هو عبارة عن برنامج .. إدارة ملفات الايفون .. وومتابعه كل برنامج جديد بالايفون ووالملفات المستقبله من برنامج البلوتوث إبلو

3- برنامج makeitmine
وهو عبارة عن تغيير اسم الشبكه في إعلى الايفون .. بدال zain

4- برنامج Recent/CallLog Delete
وهو عبارة عن .. مسح أسم متصل بالسجل فقط وليس الجميع :>

5- برنامج .. iPhoneDelivery
وهو عبارة عن برنامج يمكنك كشف الشخص هل استقبل الرساله ام لا .. بوضع علامة صح امام المسج :> جميل جداً هذا وراح انزله انا عجبني

6- برنامج mplayer
وهو عباره عن برنامج يمكنك فتح بعض صيغ الملفات الفيديو التي نواجههها عن طريق اليوتوب .. وغيره ..

7- برنامج shrink
وهو من خلاله تقدر تصغر شاشه سطح المكتب للأيفون :>

8- برنامج الاهم طبعاً للأسرار الخاصه iProtect

وهو يقفل لك اي برنامج بكلمة سريه عن التطفل :>

9- برنامج Rename II
وهو تغير اسماء التطبيقات ..

والحين .. اقدر اقول لكم .. برامج ممتعه إن شاء الله .. وبإذن الله قدرت اني افيدكم ...

شكراً لمتابعتكم :>

نوف القحطاني · 23-07-2010, 02:49 PM

بارك الله فيك

مثبت

سيتم كتابه الحقوق عليها

اقلاع اتحادي · 23-07-2010, 10:48 PM

واللهي ودي بالايفون عاجبني !

يعطيك الف عافيه اخوي على البرامج

ويستااهل التثبيت

lmny · 23-07-2010, 10:52 PM

السلام عليكم ورحمه الله وبركاته

اختي نوف . شكراً لمرورك الكريم وتواجدج .. وشكراً للتثبيت .. أن دل . فـ يدل على حرصج واهتمامج بالقسم ... شكرا لج

واستاذي العزيز اقلاع اتحادي... شكراً لمرورك الكريم وتواجدك وتفاعلك بالقسم .. لاهنت وبيض الله وجهك .. واما بالنسبه للأيفون صراحه جهاز ان شريته ماتندم عليه .. لان تستفيد منه بـ برامج .. عالميه ووتهمك ..

الف شكر لمرووركم الكريم وتواجدكم .. لاخلا ولاعدم

اقلاع اتحادي · 23-07-2010, 10:59 PM

اخوي العزيز من بعد اذنك سؤال :

هل يوجد برنامج ماسنجر او برنامج يربط بين البلاك بيري وجهاز الاي فون اقصد مسن يعني

انا سمعت بس مدري هالكلام صحيح ام لا

وشكرالك مره تانيه

I B Я A H I M · 23-07-2010, 11:01 PM

مشكوووور اخوي

HaNO / · 23-07-2010, 11:05 PM

الله يعطيك العافيه

ما قصرت

lmny · 23-07-2010, 11:51 PM

ابراهيم شكرا لمرورك اخوي الكريم .. ولاهنت والله يعافيك ..

هانو .. شكراً لتواجدك ومروورك يالامير .. لاخلا ولاعدم ...

إتحادي : لا يوجد برنامج ماسنجر بين البلاك بيري والايفون حالياً لم يتواجد بالسوق ولكن كل شي ممكن .. لكن في برنامج اسمه .. بي ماسنجر .. وهو عباره عن برنامج شبيه للبلاك بيري .. وهو مسجات مجانيه للـ ايفون .. والايفون الاخر ..

وهذي صورته ...

ويوجد ايضاً برنامج .. الواتس اب .. وهو عباره عن محادثات .. فوريه . تستطيع ارسال الصور .. لإي جهاز سوى ايفون او بلاك بيري . لكن مشكلته شغله .. ان لازم انت ضايف رقم جوال (تليفون) الشخص يعني مايوفي .. شلون تتعرف على ناس تاخذ رقمهم؟ تكلمهم وخلاص شحقه تحاجيهم واتس اب لوول .. وهذي صورته .. ولكن حبيت اوضع .. الواتس اب للبلاك بيري مجاناً شهر .. والايفون لازم يكون بالأب ستور .. وهو بقيمه 99 سنت يعني دولار ..

ولأي استفسار انا حاضر .. وشكراً لمرووركم

نبض القلوب نونو · 24-07-2010, 02:08 AM

الله يعطيك العافيه عزيزي علي البرامج الرائعه ..

في انتظار الجديد من ابداعاتك ..

تقبل مروري ..

الاسطورة722 · 26-07-2010, 12:56 AM

والله أشكرك على البرامج..,,

,,,,,,,,,,,

وأحسنت الاختيار..!!

lmny · 26-07-2010, 11:41 PM

الشكر لله

الف شكر لمرورك الكريم فديت قلبك ولاهنت لتواجدك ...

لاخلا ولاعدم

نوف القحطاني · 27-07-2010, 07:23 AM

تم كتابة الحقوق ع الصور و رفعها على سيرفر اقلاع سوفت

تم دمج الموضوع و اضافته الى قسم برامج iphone

lmny · 27-07-2010, 07:51 AM

اختي نوف .. ياليت تكتبين لي فوق بالموضوع .. بين قوسين (محدث بإستمرار ) لان راح احط صور لبرامج مهمه .. بعد

وشاكر لج مجهودج .. ولا خلا ولا عدم .. ان شاء الله من عطائج ووتواجدج

شكرا لج يالغلا مره ومره ثانيه

نوف القحطاني · 27-07-2010, 09:47 AM

هلا فيك يالغالي

... اتمنى وضع موضوع جديد به مجموعه برامج وتقدر تكتب بجانب الموضوع "المجموعه الثانيه " وهكذا

ويوجد موضوع مثبت يخص برامج الايفون .. نضع فيه جميع المواضيع المختصة بالايفون

والله يعطيك الف عااافيه

ايوا وكمان شغلة ثانيه ياريت مواضيعك القادمة تكتب على الصور حقوق اقلاع سوفت مع اسمك عشان تضمن التثبيت

بارك الله فيك

حمودي الشرقيه · 27-07-2010, 04:35 PM

الله يعطيك العافيه