انت غير مسجل بمنتديات إقلاع سوفت ... للإشتراك اضغط هنا    
   
شبكة إقلاع سوفت  
منتديات - برامج - فيديو - صور دليل البرامج - دروس - خطوط - ماسنجر - العاب - توبيكات - تردد القنوات - الطقس
خريطة الموقع  خدمة RSS بشبكة إقلاع سوفت  جديد البرامج   New Releases
العاب والعاب للجوال - مقاطع بلوتوث - نغمات للجوال - ابتسامات وتواقيع - مسجات الجوال
صور

منتدى مجاني

منتدى سيدتي
شات صوتي
بنات كول
ايوان
بعد الإشتراك ستصلك رسالة لتفعيل الاشتراك
افتح الرسالة واضغط على زر Reply
ثم اضغط على زر Send

شرح طريقة الإشتراك بالصور

Facebook | vip600.com إقلاع سوفت

 
طلب كود التفعيل استعادة كلمة المرور شروط الكتابة بمنتديات إقلاع سوفت الشروط المجموعات شرح طريقة التفعيل تغييرات هامة بالشروط
العودة   منتديات إقلاع سوفت > منتديات الإتصالات والجوالات والفضائيات > منتدى رسائل ومسجات الجوال


sms فهد المسآعد

المشاركة في الموضوع
 
خيارات الموضوع طريقة العرض
قديم 19-06-2010, 02:44 PM   #1
مجنون الخفافيش
عضو جديد
 
الصورة الرمزية لـ مجنون الخفافيش
 
إفتراضي sms فهد المسآعد

السـلآم عليكـم ورحمـه الله وبركآآته
مسـآء الخيـر لـ النآآس الغيــر

اليوم جآيب لكم مجموعه كبيـره من أبيـآت الشآعر الرآئع / فهـد المسـآعد
طبعـآ بمآ أني من عشآق هالشآعر ومشترك في خدمته ومعآي ديوآن وشـم جمعـت اكبـر عدد معيـن من ابيـآت الشآعر وحآب اشآركم فيهـا كـ أول مصـآفحـة لي مع أعضـآء هذآ المنتـدى الرآآئع ,, ولا يغركم قوولة ( اليوم جآيب لكم ) ترآهـ أول موضوع بسس وإن شآء الله يكون الفآآتحه
المهم ما أطول عليكم وأترككم مع كلمآت توأم المآآء







كل يوم اجلس على جال البحر وأقول: توي
لاسألني: مافقـدت الحلم في لمسة يديـنه؟!
مادريت إن البحر ماقـال لأمواجـه: تروي
ومادريت إن الغرق هو حجة غياب السفينه



ما عرفت أرضيك يا عذب اللما
يوم تمدحني ويوم تسبني !
أنت .. يا اما حبني حب عما
ولا ريحني بلاش تحبني..!!



يا أرق من شعر وأعذب من حكي طفلة ..,
يا أغلى من أحب وأغرب من يجافيني ..!
جيتي مثل بيت شعر ٍ..جاء على غفلة ..,
ورحتي مثل دمعة ٍ .. ما شاورت عيني : ( ..!

،
هذي بلادك / بس تكفى لا تخليها
يا من سكنت أقصى ضلوعي { لا تخليني } ..,
الناس كلٍ له بلاد وعايشٍ فيها
وأنا الوحيد اللي بلادي { عايشه فيني } ..,



الأرض رحبة / علامك جالس لحالك !
ان كنت مهموم .. كلٍ عنده همومه ..
في داخلك [ طفل ] .. لا تقتله باهمالك !
وقّف زمانك .. وصح الطفل من نومه..


،,,
صباح العطر والورد الندي والحب والأشواق
صباح عيونك اللي ما صحت من نومة البارح
عسى يومك سحابة خير / لا راعد ولا براق
تباشير الفرح فيها تهدّي بالك السارح


كنا نقضّي ليلنا بالسواليف ..,,
وصرنا نراسل بعضنا مثل الأغراب .!



أفتح ضلوعك وأجمع الخير والحب
اليوم جمعه والله الله في الأسباب!
سامح .. ترى من سامح وقال : يارب
يفتح له الله في سما رحمته باب


،
فقدت في الشده حبايب وخلان
هانت عليهم عشرتي بس ماهنت
خانوا وقلت ان الزمن مثلهم خان
لكن بعد ماشفت زولك تطمنت
عرفت من فقدي لهم اني انسان
ماعاد باقي له من العالم الا انت


،
يا أعز من دمعي لعيني
وألذ وأحلى من السكر
يا خطوط الأيام فـ يديني
يالطفلة اللي نست تكبر
انا أدري أنك تحبيني
وأنا أحبك بعد أكثر
،


ايه قلبك رغم جرحه واٍنزعاجه
الزمن ماغيّر احساسه تجاهي
يكفي اٍنك ياضوى القلب وسراجه
كل حاجه فيك ظلت مثل ماهي
الخجل في وجهك أول ماانتواجه
والبراءه في عيونك وأنت لاهي
وبسمتك لامن بغيت تقول حاجه
ونظرتك لامن لمحتك وأنت ساهي


,
الباب هـذا بـاب بيتـك .. بـس مـا يفتـح عليـه!
البـاب هـذا لـو فتحتـه .. تنفتـح لــيّ الحـيـاه

وانـا وراه .. احـسّ كـنّ الدمـع تخنقنـي يـديـه
احـسّ كنّـه حـدّ منفـى .. والوطـن كـلّـه وراه


،

قلت لك الله يهديك
قبل اتعلق فيك
اٍن كان قلبك مايبيني
قد ماقلبي يبيك
لاتعودني عليك


،
ياام القوام اللي من أدنـاه هبـه
يميـل كـن الخيـزران آدمـيـه
وأم الجديل اللي من يخـاف ربـه
يذكـر عليـه الله ويذكـر نبـيـه
إن كنت مخطـي فالخطـا مايجبـه
إلا العذر وانا اعتـرف بالخطيه
وهذي بعد من فوق الأعـذار حبـه
لاتزعلـيـن الله يخلـيـك لـيّـه


،

يسعد صباح العيون الي صحت بدري
اٍصحى حرام الصباح يمر من دونك
جتك الرساله على غفله وانا مدري
حتى الرسايل تبي تصبح على عيونك


,

ياهلابك يابعد كل الاماكن
شبه كامل واتصالك كملك
الرسايل كم على اسمك تباكن
انت تدري حتى لو ماقلت لك
الغلا لك في حنايا القلب ماكن
توجك قلبي على ضلوعي ملك
مو انا الي بس لك مشتاق.. لكن
الاماكن كلها مشتاقه لك


،

تـدرين لامنـّـك زعـلـتي وش يـصــير ؟
تدرين لامـن صـار خـاطرك مـكـسور ..
تكـّـدس أغصان الشجر بالـعـصــافــير
وكل ماذرفتي دمعه .. يموت عصفور


،
لا تحطم لو تحطم لك أمل
اعرف ان الله يحبك وابتسم
لا تقول الحظ عمره ما كمل
قل : أنا حاولت والله ما قسم


،
يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن

حنّـا عبيـدك .. وأنـت ياعالـي الشـأن
أدرى بخبـث و غطـرسـات الملاعـيـن

يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن

،

صوتك وحشني يا وطن .. وأحترت وين القاه فيـه؟!
وأمسيت اغني به .. وانا اللّي كنت اغنّي لـه معـاه !

وحشني صوتك يا وطن .. وأمسيت اغنّي : ليه؟..ليه؟
ليه الكلام اللي نقـول يمـوت فـي سكـة صـداه؟!


،

أقسم بربي ورب العالم وربك
ياأول أنسان أحبه قبل مااشوفه
لو حبّني شخص واحد ربع مااحبك
لأحط كل البشر في راحة كفوفه


،
في سجدتك يامن تبهذلت وياك
ادعي لي اٍن الله يعدل سواياي
اللي تعدى عمر ماأظن يخفاك
ادعي لي بس ألحق على عمري الجاي


يارب اٍذا لي دعوة مستجابه
بوجز لو ان اللي أنا ابيه واجد
ابقى على نهج النبي والصحابه
وأموت بين يديك يارب ساجد


خذني فحضنك أبغفـى .. يـاه مبطـي ماغفيـت
وإن لمحت دموع عيني .. سـو نفسـك مالمحـت

،
يسعد صباحك ويسعد نظرة عيونك
ياكبر حظ الرساله يومها قبالك
تبغى تعرف اٍني أكثر من يحبونك
تشهد لي أول رساله وسط جوالك


،
استجبنا للفراق ولاتناسينا الموده
ليلة الفرقا تبادلنا الرسايل والهدايا
قال والله لأحتفظ في صورتك تحت المخده
قلت والله لأحتفظ في صورتك بين الحنايا


،
وحيد لاصاحب ولا خل وعيوني سارحه
استرجع اللي فات من عمري وأقول العمر فات
ماقد شعرت بطعم هذا الحزن كثر البارحه
ساعة عرفت اٍن أجمل الأشياء صارت ذكريات


،

اما انت ياقلب لو صالوا بـك وجالـوا
خلك مثل ماانت لاتشره علـى ايديهـم

الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم

وذولاك من عرض ناس ٍ مالي ان مالوا
الا اني اسكت ,, واقول : الله يجازيهم


كم ترجيتك وحاولت وطلبتك
وقلت تكفى لاتعودني عليك
شوفني هالحين ذنبي في رقبتك
كل شي(ن) في صار يموت فيك


،
استغرب اني ماكرهتك لهالحين
واستغرب اني ماقطعت الرجا فيك
قد شفت لك قلب مثل هالمسيكين
خليته لحاله وعيا يخليك


كني انا واياك عينين في راس
ياما تسامرنا وياما غفينا
لكن على قرب المشاعر والاحساس
بنموت وحنا مع بعض ماالتقينا


،
ثمان أيام عدت في غيابك عن ثمان سنين
تخيل عاد لو صارت على قولك ثمان شهور؟

،
كل شي(ن) في حياتي له ضريبه
وكل حاجه لازم تكون بمقابل
وأنتي والله لو تكوني لي حبيبه
والثمن في نصف هذا العمر..قابل


،شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

،
روحي فداك وفداك الأمه اجمعها
الله يكرّم ملامح وجهك الباسم
من دون عرضك جيوش الغرب نردعها
اٍلا الرسول الأمين اٍلا ابا القاسم



ياطير شف درفة الشباك مفتوحه
تركتها لك مثل ماكنت خابرها
لامن خذلك الزمان وكثرت جروحه
لاتسأل أول جروحه وشو آخرها
تعال شف صاحبك قافل على روحه
بيبان الايام..والدنيا مسكرها


،

استغل اليوم في حاجة تفيدك
دام هذا اليوم عيد المسلمين
زر مريض / اكفل يتيم اجعل رصيدك
يتضاعف عند رب العالمين



صباحك نور
صباحك مدرسه ونعاس طفلٍ فـ آخر الطابور
صباحك أم تخوّف ولدها بطاري الدكتور
صباحك لمةّ أصحابٍ نسوا بـ أن الزمان يدور
صباحك ضحكة بنيّه تقول لصاحبتها أسرار
صباحك هدهدة أشعار
وعاشق يهمس لخله : أنا ماأشك بس أغار ..
صباحك طفلتين صغار
جمعهم صف وأفترقوا
وتلاقو يوم صاروا كبار


،
غايب عمر واليوم راجع لي تقول أشتقت لك
والله وفيك الخير بس الشوق وينه وأنت وين
يومك تقول أشتقت لك كنك تقول أبقتلك
لك عين ترجع بعد هذا العمر..اصلاً أنت مين!؟





هيه.. وين انت يا للي كـان مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشـيـره
واثـر مـا كــل زولٍ ينتـعـوّض ب (زول)


*
راحـت وانـا واطلالهـا اليـوم باقـيـن
تـرقـب عيـونـي بابـهـم والهبـايـب

اذا انفتـح كـل الخفـايـا بــي تبـيـن
واذا تسّكـر جـاوب الـدمـع غـاايـب


بعد المذلّـه جيتنـي اليـوم تنشـدّ؟!
خلاص انـا فكّيـت حبـل المـودّه

ما دام به نـاس عـن الديـن ترتـدّ
وش يضمن انه ما يجي منـك ردّه؟!



فـ الذاكره شي لو انساه
يمكني اعيش متهني

فـ الذاكره دمع لا والله
فـ الذاكره طفل يغني

ليت الاماني جبل وارقاه
وانسى همومي وينسني



ذكريات الليل والنسيان وقلوب الصبايا
والشقاوه والشقا والحب وعيون البنات

كنت اقلب في رفوف المكتبه بعض الهدايا
وفاح عطر العمر فجأه من رفوف الذكريات


صباح الحب والغيم ورفيفه
صباح الشوق والفجر وسكونه
صباح حكاية العشق العفيفه
رسالة واحد تسوى عيونه



على كثر ماشال من وجهي الهم
عجز يشيل الحب والإبتسامه



أكذب عليك أن قلت انا اليوم مابيك
لكن مااظن الحظ يقدر يجيبك

حظي وأعرفه زين ماودي أشقيك
روحي عسى درب السعاده نصيبك



تعال شف صاحبك قافل على روحه
بيبان الأيام والدنيا مسكرها
ينسى له عيون بنت طارت بروحه
والمشكله لاتناساها تذكرها



الشمس غابت وجات اليوم ملهوفه
أصحى وشفها على الشباك تنتظرك

تبغى تشوفك .. الا ياحي هالشوفه
وتصبح على الضحكة اللي زينت ثغرك



عشاق وين المستريح
أسرار ودروب وخطى

الحب فاهمنا صحيح
والناس تفهمنا خطأ



لو خذاك الحزن لدروب العتيم
لاتمل الصبر وتخاف الظروف

ابتسم مادام لك رب كريم
واحتسب مادام لك رب يشوف



ناوي بعد ماغبت ترجع يالحبيب
أو أنت جربت الغياب و راق لك

على العموم تغيب والا ماتغيب
مافيه أحد كثري ترى بيشتاق لك



يالحبيـب الكبْـر ماخلْـق لجـل العبـاد
خلق للي ينـادي : ( يالعبـاد أعبـدي )



كيف نتفارق وأنت تضحك شفاياك
وأنا عيوني من رحيلك تغارق
حاول تذكرني وابحاول أنساك
وإذا ألتفينا في الشعور نتفارق



ياليت للضيقه زرار وأفكه
وأزر فوق الصدر ثوب السكينه

ودي بدمعي ينسكب وسط مكه
ولا أمسحه الا وأنا في المدينه



ياوين برمي هالجسد فيه وأرتاح
مادام حتى البوح مافيه راحه



جتني ومعها ورود وضاعت يديني
أحترت مدري من اللي يهدي الثاني



يابعد طـول المسافـة والكلافـة والشقـا
يابعد كل الحيـاة وكـل ماجـاب الخيـال

ماورى سـود الليالـي والفـراق إلااللقـا
وش تبين بهالدموع الزرق يابنت الحـلال؟

أتركي عنك الدموع وخلي الحزن يهقى
أن ماله في القلوب الطيبه أية مجال



أنا لولاك .. قلت : أن الزمن بموت ماأنصفني
وأنا لولا الزمن ماكنت أهوجس وأنت قدامي

هي الدنيا كذا .. لاجيت أرتّب للكرى جفني
تكاثر غفوتي حتى تصير أبعد من أحلامي



لاضقت رحت وتـركت الـناس واللمه
ليدينك اللي تحتهـا تـزهر أنفاسي
ياتاج راسي ياعـمري ليـه مهتمه
الـهم خليه ليـا يابعد راسي
يـمه يايـمه يايـمه أيه يايـمه
من دون صوتـك أحس أن الـزمن قاسي


الله يسلّم يدين الجرح والفرقا
ويسعد صباح الخطا والشك والغيره

يوم أبعدتني قبل لا أقاسم الورقا ..
لحن الرحيل ومذاق الحزن والحيره



كم تزاعلنا .. وكـلٍ ينتظـر دمـح الخطايـا
ثم سكتنا .. والزعل من بيننا مثـل الرهـان

لين ماتنهي زعلنـا ضحكـة ٍ بيـن الشفايـا
ضحكة ٍ غابت ولكـن شانهـا مـازال شـان



اللي يقول الصباح أعذب هوى.. يكذب
لو يزعل الصبح مني وأجرح اٍحساسه
أنا أعرف اٍنسان لا ألطف ولا اعذب
وأشك بأن الهوى يقلد أنفاسه




صباح العذر لو طال الغياب وطالت ظروفي
صباح الطيبه الي في عيونك كل ماجيتك
بقى يومين باٍذن الله ويقفي همي وخوفي
وعسى الله مايخليني بعدها اٍن كان خليتك



لاتـشبه اٍلا نفسك
وأيـاك تنكـر أمسك
وأنـا اوعـدك في يوم
الأرض تـسمع هـمسك



أتخيلك وسط فستان ومعه طرحه
وأقول ياحظ من هو جنبك ببشته
بيكون هو يومها ميت من الفرحه
وبموت مع حلمي الي مات ماعشته



وأحلم بطفل (ن) صغير ينام ف أحضاني
لارحت اعود وأنا مشتاق وأضمه
قطعه من البدر فيه الملح رباني
ويقول ميدي يبه ويقول لك يمه




من متى ماقلت لك صوتك وحشني !؟
ومن متى ماقلت لي يسعد صباحك!؟



حافظ على اللي يحبك قد ماتقدر
وأبعد عن اللي نساك وجنب دروبه


أهدرت عمرك كذا والعمر مايهدر
قم واجمع اللي نثرته وأعلن التوبه



في غيبتي عنك كني شي ضايع لك
ماشفت غيرك ولافكرت في غيرك




مابقى لي فيك يالطيب نصيب
رح فمان الشوق يا أغلى من يروح


منت الأول لكن أنت آخر حبيب
ومن بيرضى في جسد مافيه روح




قابل الدنيا العريضه باٍبتسامه
وجهك أجمل باٍبتسامته العريضه


قم تفائل وأترك الحزن وظلامه
للنفوس اللي نواياها بغيضه




ودك أنسى ؟
أقدر أنسى كل كلمة من كلامك
وأقدر أنسى طهر صوتك .. وجهك ..
وغيره وغيره
بس كيف أنسى الثلاث اللي بقت
لي من حطامك
أول دموعك وصمتك وإبتسامتك
الأخيره




أشتقت لك أكثر من أول وحنيت
تركتني وأستوطن الهم صدري


ياقسوتك لو كنت تدري ولا جيت
وياضيعتي لو أنت ماكنت تدري




الجديد غيابه اللي طال حده
من رحل مابه جديد الا غيابه


كيف برحل من بعد ذيك الموده
ياسحابه صيف مري ياسحابه



الناس تسأل عنك وتقول وينه
وأسكت وفي وجهي بقايا إبتسامه


خليتني بين القلق والسكينه
الله يعدي غيبتك بالسلامه




أشتقت لك أكثر من أول وحنيت
تركتني وأستوطن الهم صدري


ياقسوتك لو كنت تدري ولا جيت
وياضيعتي لو أنت ماكنت تدري



يارب قلت أستغفروا واغفر لكم
أستغفرك يارب وأرجو المغفره





قالوا أن الشعر وزن وقافية
قلت أنا منكم بري يا أهل الكلام
الشعر شاطي وشمس غافية
وطفلة تلعب على أطراف الغمام





عطيتك اللي ماحلم فيه غيرك
جيتك وأنا أسمع صوت غيرك ينادي


ماقلتها أبغى : كثر الله خيرك
لكن بعد لاتحسب الوضع عادي





الله يجعل لك من الضيق مخرج
ويبدل أحوالك من العسر لليسر


مهما يطول الهم لابد تفرج
خل الامل بالله وهو يجبر الكسر




فقدك أكثر شي أخافه في حياتي
لان لي روح من الفقدان عانت


آآه لو تاخذك مني ذكرياتي
وآه لا قالوا قبل طاريك كانت




كنت أتمنى الحلم يصبح حقيقه
فجأه لقيت أن الحقيقه غدت حلم




وأتذكر كيف عشت اللي مضى لي من غيـا
من غيابك لين هذا اليـوم والهـم اسـروي


حالتي صعبه وضيقـة خاطـري قلـة حيـا
منطوي وأحس فيني شـي مثلـي منطـوي




اما تجي والا توكل لاتجي
اٍلى متى وأنا اقبل انصاف الحلول


الوقت علمني أموت وما ارتجي
الغيمه اللي مالها نية هطول



لاتقولي حجة الغايب معه
مهما كانت حجتك مالك عذر


*
*
رغم الفراق اللي حصل عندي احساس
ان الظروف اللي خذتك بترجعك
وأكبر دليل اليوم ضحكي مع الناس
وأني قبل فرقاك ماجيت أودعك


*
*
أضيق والقى ضحكتي في محياك
واتعب واحصل راحتي بين أياديك
الله يخليك ويديمك ويرعاك
والله يلوم اللي يلوموني فيك


*
*
تعبان مدري ليه ياكثر الأسباب
بس الأكيد آخر جروحي سببها انت


*
*
ياكثر طيبك معاي وكثر تقصيري
وياكبر فرقك وياسهلك وياصعبك
تشوف شري ولاتذكر سوى خيري
كنك ملك والعلوم الطيبه شعبك
*
*
كل مابغيت السلامه طال مشواري
ياليت درب الهوى يخجل على دمه
بس الخطأ مني اللي جيت من داري
ساعة تركت الطريق وضاعت اليمه


*
*
حولي من قلبي الليله وتيهي
مابقى فيني على صدك جلد
قالها قلبي وأنا قلبي شبيهي
ننجرح ونموت مانخضع لأحد


*
*
لانامت عيونك تنام الشوارع
وتغفى المدينه والقرى والعصافير
ونبضات قلبي قبل تغفى..تسارع
بتلحق عشان تقول: تصبح على خير


*
*
أموت وأدري وش أكبر ذنب سويته
عشان أفارق حبيبي قبل ماأشوفه
ماكان هذا الغرام اللي تمنيته
لكن يقولون كل إنسان وظروفه


*
*
ما أسامحك لو سامحك قلبي
وماأطيع قلبي لو ترجاني
خلاص لك دربك ولي دربي
ان كنت تغليني تناساني


*
*
انا ماعمري أحتجتك مثل ما أحتاجك الليله
تعال وطمن أشواقي عليك ونام فعيوني
تعبت اشيل من بالي فراقك ليتك تشيله
أفكر لو تغيب..وقبل أكمل ينخطف لوني


*
*
كل خطوه في طريق الحب ليل
والليال السود حبر الذكريات
أشطبوا من دفتري فصل الرحيل
وأتركولي سطر واحد للحياة


*
*
اما تجي والا توكل لاتجي
اٍلى متى وأنا اقبل انصاف الحلول
الوقت علمني أموت وما ارتجي
الغيمه اللي مالها نية هطول


*
*


يابو عيون تبصر وقلب أعمى
وش بدلك من الوفا للنذاله
أول تسولف لي عن العدل والماء
ومن يوم ذقت الماء نسيت العداله


*
*


العام يوم أني ذكرته نساني
واليوم يوم أني نسيته ذكرني
مدري من الي كان فينا أناني
لكني أدري وأجزم أنه خسرني


*
*
جيت أعتذر عن غيبتي عنك ليله
يا أعز وأغلى من شعر في غيابي
انا فدا رفة هدبك ودخيله
عاتب ولكن لاتكثر عتابي


*
*


يارب اٍذا لي دعوة مستجابه
بوجز لو ان اللي أنا ابيه واجد
ابقى على نهج النبي والصحابه
وأموت بين يديك يارب ساجد


*
*


شل كفوفك عن يدي لابارك الله في كفوفك
أنت وش سويت فيني جعلها ماتستوي لك
قبل أشوفك كنت أدور عذر ماودي أشوفك
ويوم شفتك صرت أدور عذر فيه أقدر أجي لك


*
*


راح ثم عوّد بعد ماراح زي العاده
يعتذر مني على أني عادني محبوبه
يعتذر ويقول ( كثر الشوق طول بعاده )
علّمه معنى السهر والدمعه المسكوبه
يحسبنّي يوم يشكي دمعته ورقاده
بنكسر له وأتغاظى عن جميع ذنوبه
مادرى أن الجرح مثل الموت في ميعاده
مايهج أبواب قلب العاشق الا نوبه


*
*


الله خلقني كذا وإن كنت تبغاني
ألحق على اللي بقى ماطاح من عيني
الكون قبلك تركته يوم خلاني
كيف أتحسف على شخص مخليني ؟!


*
*


أسألك يا الله العفو عن خطاياي
ما أعلمه منها ومالا علمته
انا قوي برحمتك ثم تقواي
والعبد من يرحمه لو مارحمته


*
*


محتاج لك مدري وش اللي أسويه
هالمره أول مره أحتاج لإنسان


*
*


كثر ما انتي عيونك غير
كثر مادور العاشق كلام وخانه التعبير
كثر ماتحصن أغصان الشجر من طير
صباح الخير


*
*


يامن زرعت الخير طاهر من الشر
يامن غيابك ضامنا ماترى ضيم
طهور يابو ضحكه كنها فجر
منها عرفنا كيف نشتاق ونهيم


*
*


ضلوع صدري مالها فيك لايم
تستاهل اكثر يا اكثر الناس قيمه
صوتك مثل نفحه هبوب النسايم
كل ماسمعته قلت ربي يديمه


*
*


حالتي صعبه وضيقـة خاطـري قلـة حيـا
منطوي وأحس فيني شـي مثلـي منطـوي
من بعد ماكان هـذا القلـب مربـاع أخويـا
ضاقت الدنيا عليـه ولابقـى منهـم خـوي


*
*
مااحس اني صغير الا اذا حبيبتي
ارفعت لله يديها جعلني ماافقدها
امي اللي لو تحس شوي طالت غيبتي
تتصل فيني واجيها ثم اقبل يدها


جنتي انها تشوف اني طفل ومصيبتي
اني مدري رغم هذا العمر كيف اسعدها


*
*


لعيونك اللي ماشبع منها النعاس
ولوجهك اللي تشرق البسمه عليه
تنفس الصبح وصحت للصبح ناس
ماتدري أن الصبح يحضنك بيديه


*
*


مافيه أبشع ولا أسخف ولا أتفه
من واحد ألهته دنياه عن دينه
ماشال هم الذنوب اللي على كتفه
الله يشافيه مما فيه ويعينه


*
*


أشتقت لك أكثر من أول وحنيت
تركتني وأستوطن الهم صدري
ياقسوتك لو كنت تدري ولا جيت
وياضيعتي لو أنت ماكنت تدري


*
*


وإذا قالولك أصحابك
عن أمر العاشق اللي مر
فجر اليوم جنب السور
وكتب كلمة أحبك موت
ورحل بأول شروق الشمس
عيونه بين صمت وصوت
وضحكاته نبع مهجور ..
لاتزعل ولاتقلق ولاتهتم
أنا المذكور


*
*
يابنت مادامه يبيك وتبينه
الى متى ودروبك أسرار وشكوك
قولي له أنك راحله من يدينه
وإذا يحبك صدق بيروح لأبوك


*
*
كم همت في دنياك والعمر مغويك
تبغى السعاده مالقيت السعاده
زعلان من دنياك والمشكله فيك
حتى صلاتك صارت اليوم عاده


*
*


الجديد غيابه اللي طال حده
من رحل مابه جديد الا غيابه
كيف برحل من بعد ذيك الموده
ياسحابه صيف مري ياسحابه


*
*


الله يجعل لك من الضيق مخرج
ويبدل أحوالك من العسر لليسر
مهما يطول الهم لابد تفرج
خل الامل بالله وهو يجبر الكسر


*
*


راحت معه واجتمعت عقول وقلوب
يزفهم ليل وهديل وعصافير
الناس يبني بيوتها الرمل والطوب
وهم يتهم من غيمتين ونواوير


*
*


جيت لعيونك ولا أبغى منك شي
دامني جنبك فأنا والله بخير
أدعي الله أنه يخليك لي
والله اللي وحده أعلم بالمصير


*
*


إن كنت صاحي ياصباح النواوير
وإن كنت نايم نام نوم العوافي
الله يصبح وجهك السمح بالخير
ويحفظك رب الكون نايم وغافي


*
*


أرجع بعد قصة طويلة مع الحب
تكفي لكل اللي بقى من حياتي
وأجلس وحيد بدون صاحب ولا قلب
مغير أفتش عنك في ذكرياتي


*
*


ان كنت نادم على اللي ضاع من وقتك
وش عاد ابا أقول أنا في عمري الضايع
لكن هذاني على أية حال فارقتك
إلى متى بشتري لي واحد بايع


*
*
وحيد من كل شي الا من الضيقة
والعبد ماله سوى ربه يفرج له
صحيح مانيب من صفوة مخاليقة
لكن روحي من اللي يغضبه وجله


*
*


اللي مسح دمعه بيده وتحملني
لبى عيونه ولبى دمعته معها
إن كان ربي عطاني عمر وأمهلني
والله لأعوض عيونه عن مدامعها


*
*


((( بكره تزين ويرجع لغصنه الطير
وترجع لوجهي ضحكته وأبتسم لك
أنا بخير و قلبي الليــله بخـــير
مادامك أنت بخير ياأعز ماأملك )))


*
*


فاقد حياة وقلب وأحساس ووعي
وراجع على الموعد عشان أوادعك
مليون مره قلت لك خلك معي
واليوم مالي غير أقول الله معك


*
*


نسمة صباح وشعر وعيون نعسانه
يسعد صباح الشعر في محجر عيونك
النور تو أشرقت من وجهك ألوانه
من بعد ما ألأرض كانت عتمه بدونك


*
*
لاتصدق من يقولون الظروف
أشغلتني عنك .. أنا مشغول فيك
خل قلبك يسفه الناس وتشوف
لاتصدقهم وتشغلني عليك


*
*


أسبوع لكن كانت أيامه سنيييين
وش لون لو فارقتك أكثر من أسبوع
راجع عشان ألمس يديك وتشوفين
كيف العيون فغيبتك ميته جوع


*
*


أشتقت لك وأشتاق لك وين مااروح
ويزيد شوقي كل ماطول الوقت
ترى الجسد لو غاب ماغابت الروح
ليتك تجي وتشوف وش لون أنا أشتقت ؟؟


*
*


وش الطريق اللي بليا قهاوي
وش هالعتيم اللي قطف شمعة غناي
فقدت لي ناس وشعوروحكاوي
يامن يرد لسكتي تايه خطاي
يارب يارب الغريب الشقاوي
ياصاحب الطرقة وساتر خطاياي
انا حزين وغصن الاحلام ذاوي
محتاج احس بريحة الوقت والشاي


*
*


بلاش يهدك الخوف
ويخون عيونك التعبير
أنا الي فيني ياعمري
ترى مو شي
شي صغير
ولايستاهل دموعك
وإذا يعني أنخطف لوني ؟؟
وصوتي صاير أهدأ شوي
وش اللي يصير!؟
حبيبي هدي من روعك
وإذا ناوي تساعدني
تعــال امسحهن دموعك
عشان أهدأ وأكون بخير


*
*


يامالك الملك ياذو العطف والمنه
عبدك بدونك ضعيف وحالته حاله
أسالك ياربي الغفران والجنه
في يوم ماينفع المؤمن سوى أعماله


*
*


لفيت كل البلاد وجيت راجع لك
فيني من الشوق مايكفي مشاويرك
في غيبتي عنك كني شي ضايع لك
ماشفت غيرك ولافكرت في غيرك


*
*


ازعلي من دون هجر ولا وداع
وصليني للغياب ولاتغيبي
لو تغيبي صرت عرضه للضياع
كيف اعيش بدون كلمه ( ياحبيبي )


*
*


سولفي كذا السوالـف تنسمـع و الا فـلا
وان بغيتيني اسولـف .. اسألينـي اسئلـه


اسأليني وابتديهـا .. بالنهـار اللـي تـلا
ليلة ان الجرح يقرا في الضلوع البسملـه


*
*


وقفت والريح تلعب في طرف ثوبي
وقلت وعيوني تخيل الغيم سبحانك
يامالك الكون أنا تخجلني ذنوبي
أسألك عفوك على عبدك وغفرانك


*
*


ليه غبتي ؟.. ليه غبتي ؟.. وانتي اللي ما مـلا
عيني الا همس صوتك في زمـان البلبلـه


*
*


حافظ على اللي يحبك قد ماتقدر
وأبعد عن اللي نساك وجنب دروبه
أهدرت عمرك كذا والعمر مايهدر
قم واجمع اللي نثرته وأعلن التوبه


*
*
جيت أشتكي له عليه وقبل يسمعني
لمحت دمعه وظنيته على شاني
قلت أنت وش فيك؟ قال فلان ضيعني
وفلان هاللي يقوله..واحد ثاني


*
*
ودعتك الله وإذا ماجيت لوداعك
أذكرني بخير فغيابك وسامحني


كيف أتبسم بعد ماغرب شراعك
ماأظن بعدك بقى لي شي يفرحني


*
*


آسف على لهفتي وآسف على ازعاجك
أنا ادري أن أتصالي زاد عن حده


لكن تراني ورب البيت محتاجك
واليوم بالذات أنا محتاجك بشده


*
*


ليه ضايق دام صليت الفجر
اطلب الله يفرج الضيقه عليك
وأبتسم للناس تكسب لك أجر
تنفرج مادام هذا الخير فيك


*
*


عشت هذا العمر كله في اٍنتظارك مارجعتي
ليتني ماعشت هذا العمر كله في اٍنتظارك
ضاعت أحلامي وضحكاتي معك من يوم ضعتي
صح أنا (ماأخترت أحبك) بس ضعت باٍختيارك


*
*


مبطي وأنا أقول حبه لي وش كثره
يحبني هو الأكثر أو أنا أكثر
لكن بعد ماسألته هالسؤال أثره
يشوفني مثل أخوه ولابعد فكر


*
*


الحياه أيام ودروب وسفر
وأنت فيها ضيف أو عابر سبيل
دام مامن قبرك المظلم مفر
فارق الدنيا معك منها فتيل
من عمل للناس بالدنيا ظفر
ومن عمل لله يظفر بالحصيل


*
*


دايم أقول اني ظلمتك بهالحب
ودايم أفكر كيف أقدر أجازيك
ألوم نفسي فيك وأحس بالذنب
وأخاف لا اجرح خاطرك يوم وأذيك


*
*


أحسبك طيب قلب وأثرك بلا قلب
طول الزمن هذا وأنا منخدع فيك


*
*


في عيونك ليلة البارح حزن
وفي اٍرتباكة نظرتك نية رحيل
كان صوتك شعر مكسور الوزن
وكان صمتك غربه وليل طويل
مجنون الخفافيش غير متصل   الرد مع إقتباس
قديم 20-06-2010, 01:54 AM   #3
BANDER 2001
رمز العطاء

 
الصورة الرمزية لـ BANDER 2001
 
إفتراضي

رسائل في قمة الروووعة ألف شكر .
BANDER 2001 غير متصل   الرد مع إقتباس
قديم 20-06-2010, 07:45 AM   #4
ريــــمـــا
عضو فلته
 
الصورة الرمزية لـ ريــــمـــا
 
إفتراضي

انتقاء جميل

سلمت يداك

عوااافي
ريــــمـــا غير متصل   الرد مع إقتباس
قديم 20-06-2010, 10:36 AM   #5
صباح هوست
عضو مشارك
 
إفتراضي

رووووووووووووووووووووووووع ــه
بس كيف اشترك بالخدمه
صباح هوست غير متصل   الرد مع إقتباس
قديم 22-06-2010, 02:58 PM   #6
مجنون الخفافيش
عضو جديد
 
الصورة الرمزية لـ مجنون الخفافيش
 
إفتراضي

أحسـآس
الأروع هو مرورك الجميل ... شكـرآ لك


بنـدر
العفـو ,, وشكـرآ على مرورك


ريمـا
ربي يسلمك ويعطيك ألف عآفيه


صبآح هوست
الأروع تواجدك ...
وبالنسبه لكيفية الأشترآك فـ هي موجوده فقط في السعوديه ...
وعلى الأرقآم التـآليه :
ترسل رقم 1 الى 707721 أن كنت من مشتركي زين
أو ترسل الرقم 1 الى 88520 أن كنت من مشتركي الأتصالات السعوديه
أو الرقم 1 الى 602112 ان كنت من مشتركي موبايلي ..

طبعآ الرقم 1 لـ خدمه الابيات القصيره اللي أنا مشترك فيهـا ووصلتني هالمسجآت منه ...
أما الرقم 2 فيختص برسايل الوسآيط والمقاطع الصوتيه لنفس الأرقآم السآبقه
ويعطيك الف عآفيه
مجنون الخفافيش غير متصل   الرد مع إقتباس
المشاركة في الموضوع

العلامات المرجعية

خيارات الموضوع
طريقة العرض

قوانين المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاح
كود [IMG] متاح
كود HTML غير متاح
الإنتقال السريع


جميع الأوقات بتوقيت غرينتش +3. الساعة الآن هي 09:19 AM.

 

 

 


[ برامج هامة ا أخبار التقنية ا الايفون ا الايباد ا كتب عربية ا جوالات ا الاندرويد ا جوجل ا القائمة البريدية ا مايكروسوفت ا
ابل ا سامسونج ا الجيميل ا سيري ا تصفح سريع للبرامج ا جافا ا اعلن لدينا]
عداد إقلاع سوفت