PDA

عرض الاصدار الكامل : طريقة تحديث وندوز اكس بي بالصور


bo3adsa
29-02-2004, 11:37 AM
<div align="center"></div>السلام عليكم :D

اكيد لاحظتوا كثرة النصائح بشأن ضرورة تحديث الوندوز و للاسف غالبيتكم ماتعرف التحديث او طريقة تحديث الوندوز .

عمي غيتس ما قصر و فكر فيكم و خله في اوبشن بحيث الوندوز يحدث نفسه بنفسه بدون ما تعوررون راسكم .. اكثر من كذا دلع :P



لكن ما انصح فيها الا بعد ما تتأكد ان عندكم جميع التحديثات الضرورية و بعدها تستطيعون تفعيل هالخاصية ( راح اشرحها تحت ) :D


طريقة تفعيل هالخاصية :
1 - نسمي باسم الله
2 - اضغط ( ابدأ ) start
3 - عند my computer اضغط يمين الماوس
4 - اختار properties خصائص
5 - راح تفتح عندكم نافذه جديدة ... من فوق اختار Automatic updateاو تحديث الوندوز اوتوماتيكيا ( شيء من هالقبيل ) :):):)
6 - الحين في اول مربع ضع علامة صح ( اكيد راح يكون فاضي عندكم :D ) .. و بعدين راح تشوفون 3 خيارات تحت .. اختاروا الخيار الثاني ( وهو ان الوندوز ينزل التحديث و يعلمك اذا اكتمل التحميل علشان انت تجي و تثبته )
7 - ضغطوا Apply ثم اوكي :)
8 - و سلامتكم :):):):)

هالخطوة الي سويناها علمنا فيها الوندوز انه يحمل التحديث ( اثناء التحميل راح يظهر عندكم تحت على اليمين ايقونة على شكل الكرة الارضية اذا مررتم الماوس عليها راح تظهر لكم نسبة مؤية ) و بعد ما يتحمل و يكون جاهز لتثبيته على جهازكم راح يعلمكم عن طريق رسالة تظهر لكم تحت على اليمين و كل ما عليكم فعله هو الضغط عليها ثم اوكي و اوكي ..الخ





الحين نجي للطريقة التحديث ( اليدوية ) :
1 - افتح الاكسبلورر

2 - من فوق اختار ( ادوات )

3 - بعدين اختار ( تحديث الوندوز )

4 - انتظر شوي الين سايت مايكروسوفت يفتح معاك بالكامل و راح تشوف مثل هالصورة

http://www.xpphotoalbum.com/data/500/2970windows1.jpg


5 - راح تشوفون ( Scan for new update) ضغطوا عليها

http://www.xpphotoalbum.com/data/500/2970windows2.jpg


6 - الحين سايت مايكروسوفت راح يفحص جهازك علشان يشوف و الش امهبب بالتحديثات :D ..
من فوق راح تشوفون نسبة مئوية .. نطروا الين تكمل و تتحدث الصفحة ..

http://www.xpphotoalbum.com/data/500/2970windows3.jpg



7- بعد ما كمل السايت فحص جهازك و البحث عن التحديثات المناسبة لك راح تلقى جميع التحديثات الضرورية موجودة على اليمين .. كما في هذه الصورة

http://www.xpphotoalbum.com/data/500/2970windows4.jpg

بالنسبة لرقم ( 3 الي بالصورة ) و هي مخصوصة لتحديث الهاردوير كما لمحت لكم مثل السيدي درايف او كرت الشاشة او المودم الي كل من يشتكي منه بسبب عدم تحديثه :D


8 - الحين شوفوا الصور لتكملة الخطوات الباقية :D

http://www.xpphotoalbum.com/data/500/2970windows5.jpg

و بعدين

http://www.xpphotoalbum.com/data/500/2970windows6.jpg




ملاحظة بكبر قريح مثل ما تقولون :D
لما تسون التحديث انا انصحك انه يكون بالويد اند و بالليل لان راح ياخذ وقت طويل على حسب حجم التحديث :):):):):):)


عاد الحين لاحد يقول اشلون احدث و لا ما ادري ان الوندوز لازم يتحدث :):):):)


انا ابصم بالحدعش :humm: ان اغلبكم ما راح يراجعنا مرة ثانية و المنتدى راح يفلس بعد شهر :hawageb:


تيك كير و اذا اي ملاحظة انا حاضر :):)



ملاحظة صغيرة:
الوندوز الي عندي انجليزي فياريت لو احد منكم عنده وندوز عربي يصورلي نفس الصور الي فوق علشان ارفقها حق الي مايعرف انجليزي

اسطوانة غاز
29-02-2004, 12:14 PM
يعطيك العافية بوعدسه .. فعلا اغلب اللي يعانون من التهنيق ومشاكل الجهاز .. تلقاهم ما يعرفون شي اسمه تحديث ..

الف شكر لك على هالابداع :):)

والموضوع مثبت .

bo3adsa
29-02-2004, 12:22 PM
الله يعافيك و يحفظك .... :):):)

ما تتخيل الاسبوع الي طاف كم مرة طلبت منهم انهم يحدثون اجهزته ,,, بس لا حياة لمن تنادي :(
عبالهم اذا فرمتوا الجهاز بس خلاص صار اوكي.. مايدرون ان الفايروسات راح ترجع لهم مرة ثانية و ذلك بسبب الثغرات الموجودة :):):)


تسلم لي الايادي الي ثبتت الموضوع للاستفادة و نشر الوعي التحديثي بين المواطنين :):):)

رمشة ضب
29-02-2004, 10:52 PM
<span style='color:royalblue'><div align="center">السلام عليكم

والله يا انت فكيت ازمه يابو عدسا ياكثر الي مايدرون عنه ..

مالهم عذر هالحين :hawageb:

لكن للي اجهزتهم عربيه وكوبي بعض التحديثات بتنقلب انقليزي على ما اعتقد تحديث الامان والانتر نت اكسبلورر والاوت لوك اكسبرس .. ليت الي عنده اضافه يقولها .. او بيخبرنا :D2

الف شكر يابو عدسا

وجزاك الله خير :) </div></span>

سعيدان المقلع
29-02-2004, 11:03 PM
اما يجي واحد ويسأل كيف احدث افلق راسه بصراحة انا كل يوم في آخر الليل احاول اثبت شيء وهكذا اللين اخلصهم كلهم من اصل 27 بقى لي 3
و18 للويندوز

على فكرة عندي سؤال مهم ... اقدر آخذ الأرقام مثلا
تحديث الأمان التراكمي لـ Internet Explorer 6 Service Pack 1 رقم (KB832894)

الأرقام KB832894 اقدر انزلها من موقع مايكرسوفت لأنه النت في البيت بطيء اما في الدوام فهو اكثر من طيارة
يعني انا ودي انزل التحديثات على سيدي من الدوام واجيبها للبيت واثبتها على جهازي .. فيه امكانية وكيف؟

bo3adsa
01-03-2004, 12:21 AM
هلا برمشة ضب :):)
مشكورة على دعمك لي .....
بس ما عندي فكرة عن اذا في بعض التحديثات تتعارض مع الوندوز العربي ... بس باعتقادي انها ما تعارض كون السايت يفحص الجهاز بالاول ومن ثم يختار التحديث المناسب للجهاز .... :):):)



اهيلن اخوي سعيدان :):):)
نور الموضوع :):):)
هانت ما بقى شيء و ترتاح و تريح جهازك .... حجم الداول لود كبير بالبداية لكن بعدين راح يكونون صغار ... بس مدري اذا وصلت حق السيرفيس باك 1 و لا لآ؟؟ ..
الله يعينك عليه :( احس انك بتحذف نفسك من الشباك لما تشوف حجمه :):):):)
و الله ما أدري عن طريقة نقل التحديث من جهاز لآخر لاني ما قط جربتها بس اعتقد ان في طريقة تختار فيها الاب ديت ثم تنزله على سيدي ..
لحظة خن ابحث :):):)

اوكي,,
بعد البحث اعتقد انك تقدر تختار الاب ديت الي تبيه ومن ثم تحفظه على سيدي لتثبيته على جهازك ... :):):):)

هذا هو التحديث الي تبحث عنه :
http://www.microsoft.com/downloads/details...D3-0C884910BC97 (http://www.microsoft.com/downloads/details.aspx?displaylang=ar&FamilyID=70530968-B59A-47C0-90D3-0C884910BC97)
على اليسار راح تشوف كلمة( تحميل ) اضغط عليها ثم اختار المكان الذي تريد حفظه فيه :):):)

واذا ضبط معاك,
اذا عندك تحديث غيره هات رقمه وان شاء الله اجيبه لك :):)

bo3adsa
01-03-2004, 12:26 AM
اخوي سعيدان
بالنسبة لتحديث الوندو ( بحسب كلامك 18 تحديث ) ... لا تحدثهم كلهم ... فقط الي مكتوب عليه .. تحديث ضروري او تحديث ينصح به ( اعتقد هذا اسمه :) )

اما الباقين فراح تلقاه خاص بالموفي ميكر و الماسنجر و شغلات انت منت بحاجة لها :):):)

بس اهم شيء انك تحدث الي مكتوب عليهم تحديث ضروري او شيء من هالقبيل :):)
اسف بس الوندوز الي عندي انجليزي ولا كان كتبت الترجمة الحرفية له :(

سعيدان المقلع
01-03-2004, 09:12 AM
^
^
ابو عدسا ترى عندي انا انجليزي والبروفيشنال يعطيك الخيارين تبيه عربي والا انجليزي

والله يعطيك الف عافية على التحديث اللي جبته رغم اني منزله بس انا حطيت على اساس انه مثال .... عاد ان شاء الله بشوف التحديثات الكبيرة وبحاول اليوم اجيب ارقامهم علشان انزلها من الدوام وياليت بالمرة تقول من وين اختار الحزم بالمرة على الأقل نستفيد ونفيد

على فكرة امس واحد يسألني عن التحديث التلقائي قلت له لامافيه بس انت جبت الجواب وريحتني وانه ماينصح به ..... منورين ياحلو:) <=== خلصت الابتسامات علينا

bo3adsa
01-03-2004, 09:53 AM
بنفس الصفحة الي عطيتك اياها .. من فوق على اليسار راح تشوف ( بحث ) ... اكتب فيها رقم التحديث ... راح يطلع عندك تحديثات مختلفة تحت نفس الرقم .. الحين انت تجي و تاخذ التحديث الي يطابق الاسم الي عندك ... و اذا فهمت شيء من شرحي فهمني :):):):):)

سعيدان المقلع
01-03-2004, 11:29 AM
وش دعوة عاد مو واضح الا واضح ونص بس على ماارجع للبيت ان شاء الله اشيك على الأرقام كلها :)

ميغسي مرة عاشرة

bo3adsa
01-03-2004, 11:32 AM
ميغسي بوكو :):):):):):)

اذا اي استفسار مايردك الا كيبوردك :):)

ابو جروح
01-03-2004, 11:34 AM
اخوي ابوعدسا الله يعطيك الف عافية

وبالنسبة لتحديثات انا طلع لي 46 تحديث وحجمها 51 ميقا وشلون انزلها ذي من غير ان ال الاكس بي نسخة ماهو اصلي يعني ماراح يقبل التحديث

وصراحة يمدحون الفورمات

bo3adsa
01-03-2004, 11:48 AM
ابوجروح
هلا بالغالي ... انا قاعد انتطر مرورك الكريم وراك تأخرت ؟ :):):):)

مهي مشكلة اذا كان الي عندك نسخه مهي اصلية :):)
انا اعطيك كراك تقدر تغير السيريال و تحط واحد موثوق من قبل مايكروسوفت و بهالطريقة تقدر تنزل جميع التحديثات بدون محد يقولك شيء :):):)

ادري ان حجم التحديثات كبيرة لكن هذا بسبب عدم تحديثك اول بأول مما ادى الى تراكم التحديثات ووصول حجمها الى هذا الحجم ...
لكن بعد ما تركب هالتحديثات كلها ... التحديثات الجاية راح تكون احجامها صغيرة و مقبوله :):):)


بعدين اذا فرمت الجهاز ما كأنك سويت شي ... راح تضطر الى انك تحدث الوندوز :):):)

هذا اقتباس من ردي على شخص بالموضوع الموجود بالمنتدى الثاني :


_________________
التحديث يجب ان يتم في اول يوم اشتريت فيه الجهاز او(((((( فرمته ))))) لاحظ فرمته......... لانه جزء من النظام و ظيفته حماية النظام من الانهيار و بنفس الوقت يوفر حماية للجهاز .....

ما في داعي اذكرك بفايروس بلاستر ... اعقد 90% من الي يستخدمون النت يعرفونه و يعرفونه طريقة عمله ....

على افتراض ان كلامك صحيح و ان الواحد لا يحدث جهازه الا اذا صارت فيه مشكلة ..
و لنفرض ان جاك بلاستر ... خو تعرف انه ما يعطيك مجال تشبك بالنت الا 60 ثانية ..
الحين تبي تحاول تقنعني ان بهال 60 ثانية راح تقدر تحدث جهازك او علاقل راح يمديك تنزل التحديث الخاص بسد الثغرة ؟؟ !!! ......... لا اعتقد :):):):):)
بتقولي افرمت الجهاز وارتاح من بلاستر ...... انا اقولك ما راح تفيد لانه راح يرجع لك مرة ثانية كون الثغرة لا تزال مفتوحة و ما تقدر تغلقها الا بالتحديث :):):):)


ليش تنطر الين تصير مشكلة بجهازك ؟؟ مرات المشكلة تتفاقم الين تضطر انك تفرمت الجهاز و تخسر كل ملفاتك .... اذا انت مستخسر ملفاتك فغيرك لآ :):):)


عيب التحديث الوحيد هو انه ثقيل على الجهاز و يمكن تلاحظ ان الجهاز بدون تحديث اخف من وجود تحديث ... لكن اذا وازنا بين خفة الجهاز او حمايته فأكيد كفة الحماية هي الفائزة بدون شك ....... :):):)

انا واثق ان 90% من مواضيع المنتدى الي يشتكون من اجهزتهم لها علاقة مباشرة بعدم التحديث

و التحديث ليس للوندوز فقط , انما للهاردويير ايضا ... راجع الشرح فوق :):):):)
__________________


اتمنى ابوجروح ان هالرد جاوب على استفساراتك ؟ :):):):):)

ابو جروح
01-03-2004, 01:17 PM
خلاص ياابو عدسا نويت احدث عطني الكراك وطريقته

لكن وشلون احمل التحديثات وكل اشوي قاطع علي الخط


مشكور يالغالي وماتقصر

bo3adsa
01-03-2004, 01:50 PM
ابوجروح
اول شيء نزل الكراك
http://www.eqla3.com/vb/attachment.php?postid=1774662



وبعدين نزل اللسته الي فيها السيريالات :
http://www.eqla3.com/vb/attachment.php?postid=1774545
اختار اي سيريال موجود :):) تراها ارقام مميزة خخخخخخخخ



و بعدين ادخل على هالموضوع لمعرفة طريقة استعمال الكراك وطريقة تركيب السيريال ( لاحظ رد طوفان بالصور ) :
http://www.eqla3.com/vb/showthread.php?threadid=123827



بعدين مثل ما نصحتك من قبل بتركيب فايروول ... اعيد عليك مرة ثانية :
ركب هالبرنامج .... ( اجل تركيب الكراك لبعدين ) ... و اتبع طريقة استخدامه ( لاحظ الصور ) ...
http://www.eqla3.com/vb/showthread.php?threadid=125742
تركيب الفايروول يساعد في تفادي المشكلة الي تعاني منها :):):)

فهودي
02-03-2004, 05:19 AM
الف شكر بوعدسه :)

فعلا التحديث شي مهم جدا :) .... واللي ما يحدث ماعنده سالفه :)

مع اني افضل التحديث اليدوي علشان اذا فرمت الجهاز اسوي التحديثات بدون ما انزلها من جديد

مشكور على هذا الجهد :)

تحيااااتي :)

vip600
02-03-2004, 05:57 AM
جزاك الله الف خير

تسلم على هالشرح الحلو والمعلومات القيمة :)

bo3adsa
02-03-2004, 09:33 AM
نور الموضوع بوجودكم ....... :):):):):):)

تسلمون على هالاطلاله الحلوة :):):):):)

ابو جروح
02-03-2004, 12:02 PM
اخوي فهودي تقول التحديث اليدوي وشلون هالتحديث

سعيدان المقلع
02-03-2004, 02:03 PM
^
^
مثل ماهوب شارح لك ابوعدسا :)

نور الرحمة
15-03-2004, 02:44 AM
:P السلام عليكم 0000
اخي بوعدس بارك الله فيك انا عملت كل الطرق اللي قلتلي عليها بالنسبه للتحديث بس لما صار وقت التثبيت عالكمبيوتر :cry: :( طلب مني 00 كلمه مرور او ما دري كلام مكتوب بالانجليزي ارجو انك تفيدني ويا ريت نقوللي الحل بالتفصيل الممل :lol: :lol: :lol:

bo3adsa
15-03-2004, 06:35 AM
حياك الله نور ....

يا ريت لو تصور لنا الرسالة الي تطلع لك ...

ice_cream
15-03-2004, 08:46 AM
فعلا موضوع في غاية الأهميه وانا اليوم بالذات جالس على النت ودخل هذا الفايروس الغبي
win32 blaster طلع في المربع المشهور واغلق الجهاز
مشكور جدا اخوي العزيز بوعدسه
بس بسأل كيف اعرف ان النسخة للويندوز عندي اصليه او غير كذا
وجيت اخذ الرابط الموجود لكن ماشتغل معي
http://www.eqla3.com/vb/attachment.php?postid=1774662

وكمان لما جيت احدث Windows XP Service Pack 1 (سريع)*
يعطيني رساله خطأ في التحديث
مدري هل الحل مع تركيب الكراك والسريل اذا كانت النسخه غير اصليه وبعد كذا يقبل التحديث

ice_cream
15-03-2004, 08:54 AM
سلام ...

وياريت القى الجواب عندكم مع بلاستر الفايروس الغبي
هل انه مع التحديث يضف وجهه او فيه تحديث خاص مشان يروح
او لابد من الفورمات وبعده التحديث ؟

سؤال ثاني وياريت تتحملوني شويه
النورتن وش وظيفته دامه موجود عندي اشلون بلاستر دخل . معزوووووم على العشاء !!!

ice_cream
15-03-2004, 09:11 AM
عفوا الأخ بوعدسه
ماقدر ادخل على الروابط للكراك والسريال
http://www.eqla3.com/vb/attachment.php?postid=1774662

http://www.eqla3.com/vb/attachment.php?postid=1774545

bo3adsa
15-03-2004, 01:19 PM
ايس كريم :):):)

95% من الي يستخدمون اكس بي(( بروفشنال )) نسخهم مهي اصلية :):):)

اما
95% من الي يستخدمون اكس بي(( هوم اديشن )) فنسخهم اصلية :):):)


بالنسبة للخطأ الي ظهر لك عند محاولة تركيبك للسيرفيس باك 1 هي بالغالب ان السيريال عندك غير معرف من قبل مايكروسوفت و حلها سهل و بسيط :):)
فقط اتبعي نصيحتي في الصفحة السابقة .... الروابط جميعها صحيحة لكن يظهر ان هناك عطل مؤقت في منتدى ساحة الاقلاع ... حاولي تجربين الروابط بعد فترة :):)

اقتباس
_________________
وياريت القى الجواب عندكم مع بلاستر الفايروس الغبي
هل انه مع التحديث يضف وجهه او فيه تحديث خاص مشان يروح
او لابد من الفورمات وبعده التحديث ؟
_________________

لآ مافي داعي الفرمة لان ازالته سهله ..... انا رديت عليك بموضوعك الثاني :):):):):)

يجب عليك تحديث الوندوز لغلق الثغرة الي يستخدمها بلاستر لمهاجمة جهازك :):):)



اقتباس
__________________
سؤال ثاني وياريت تتحملوني شويه
النورتن وش وظيفته دامه موجود عندي اشلون بلاستر دخل . معزوووووم على العشاء !!!
__________________

استبدلي النورتن ببرنامج انتي فايروس غيره ... :):):)


اذا في اي استفسار عن الفايروس ارجوا وضعه بالموضوع الثاني وليس هنا و ذلك منعا لتداخل المواضيع مع بعضها :):):):)

نور الرحمة
15-03-2004, 03:51 PM
Access Denied (policy_denied)


Your system policy has denied access to the requested URL.


For assistance, contact your network support team.
السلام عليكم 000 انا عملت التحديث من فتره بس لاسف لم اقدر ان اعرف معني الرساله المكتوبه ولكني عملتاليوم جزء من التحديث اختصارا لتلوقت ومتل ما انتو شايفين طلعلى الكلام الي فوق 00 اتمني ان تفيدوني لان كمبيوتري مهدد في اي وقت للاختراق بسب انه حتي لما احاول تحميل برامج حمايه عالكمبيوتر تنرفض ما اعرف ليش وشكرا <_<

bo3adsa
15-03-2004, 06:09 PM
نور الرحمة

الانترنت الي تستخدمينه هل هو جزء من شبكة ؟ ام اشتراك خاص بك بالمنزل مثلا ؟؟

لان الرسالة تقول انك تحتاجين اذن بالدخول لهاسايت !! :):)

و اذا كان اشتراكك خاص فاعتقد المشكلة راح تنحصر بين :
1 - ان الحساب الذي تستعملينه للدخول للجهاز لديه صلاحية (( محدودة )) .. الحل هو الدخول ك ( أدمين ) ليكون لديك الصلاحية الكاملة على الجهاز .

2 - بما ان ( بحسب كلامك ) انك حاولتي تركبين برامج حماية لكن بدون فايدة ... فالاعتقاد هو وجود فايروس معطل دخولك لسايتات الحماية ... الحل هو محاولة تنزيل اي انتي فايروس على جهاز اخر ومن ثم حفظه على سيدي ثم تثبيته على جهازك الي فيه المشكلة ... انصحك ب Avast Antiviruse كون لديه القدرة على فحص جهازك قبل الدخول للوندوز و ذلك لمنع الفايروس من التأثير عليه ...

3 - اسباب اخرى لا اعرفها ....


بس نصيحتي لك انك تنزلين موضوع بالمنتدى خاص بمشكلتك علشان غيري يستطيع المشاركة في الحل .... :):):):)

نور الرحمة
15-03-2004, 07:01 PM
:unsure: شكرا لك على المساعده بس ابي اعرف اخوي كيف اكون ادمن علىا الكمبيوتر هذي ما فهمتها :)

Besbes
15-03-2004, 07:45 PM
باسم الله .. ما شاء الله عليك يا بوعدسا :) :) :bigthumup: :) :)

دايماً كدة تكمل اللي ناقصنا .. و تحسن و تبدع .. و تيجي دايماً باللي يشغل بالنا .. و تحل مشاكلنا .. مش عارفين و الله نودي جمايلك فين :heart:

شاكرين مجهوداتك و أفضالك و دعمك الدائم :bigthumup: :) :) :)

bo3adsa
15-03-2004, 10:43 PM
نور الرحمة
تفضلي راجعي هالموضوع :):):):):)
http://ib.vip600.com/index.php?act=ST&f=5&t=458



Besbes
هذا كله بفضل تشجيعكم لي ... كل ما شفتكم تستفيدون من موضوعاتي كل ما زاد ابداعي لكم :):):):):):)

ahmad_akf
15-03-2004, 10:59 PM
مرحبا ....

بالنسبة للي عندهم وندوز انجيزي وبدهم تتطلع صفحة التحديثات عربي اتفضل
عربي ...
http://v4.windowsupdate.microsoft.com/ar/default.asp
انجليزي ...
http://v4.windowsupdate.microsoft.com/en/default.asp
فرنسي ...
http://v4.windowsupdate.microsoft.com/fr/default.asp

طريقة سهلة بس غير الاحرف ar . en . fr >>>>>>

bo3adsa
15-03-2004, 11:08 PM
جزاك الله خير اخوي احمد ... فكيت ازمة :):):):):):):)

ahmad_akf
16-03-2004, 12:21 AM
:2thumpsUp: الحاجة ام الاختراع :2thumpsUp: :bigthumup:

aloolia
19-03-2004, 10:12 PM
تسلم تسلم تسلم
اشرح واضح وضوح الشمس
وتسلم.....

ABU SHEREEN
26-06-2004, 04:08 PM
الف الف شكر لكم علي كل هذا المجهود الطيب

وسلامي لكم

الشعلة
07-07-2004, 02:53 AM
مشكووووووووووووووووور أخوي

lmaaa
23-07-2004, 04:37 AM
انا عندي سؤال وهو اني كل تبدأعملية التحديث تطلع رسالة قام الجهاز بعمل غير شرعي ويقفل الجهاز علما اني استخدم وندوز 98 ارجو الرد سريعا

lmaaa
23-07-2004, 04:38 AM
انا عندي سؤال وهو اني كل عند القيام بعملية التحديث وعندما تبدأعملية التحديث تطلع رسالة قام الجهاز بعمل غير شرعي ويقفل الجهاز علما اني استخدم وندوز 98 ارجو الرد سريعا

نصورالمزيون
03-09-2004, 04:34 AM
شرررررررررررررررررررح متعوب عليه مشكورررررررررر
اخوي ومتقصر

فــيــ الرياض ــصــل
03-09-2004, 10:52 AM
مشكوووور اخوي

eijou
03-09-2004, 02:30 PM
يعطيكم العافية وما قصرت اخوي على هالمعلومات الرائعة :2thumpsUp:
بصراحة موضوع متعوب علية :bigthumup:

suae
18-11-2004, 02:59 AM
يا شباب انا سويت نفس الحطوات بس ما بتطلعلي scan now
شباب كمبيوتري ما يسوي تحديث ليش ؟

roma
18-11-2004, 04:03 AM
طيب و بالنسبة لويندذ 98 ؟ لما حاولت اعمل تحديث للاسف فشلت الرجاء المساعدة و جزاكم الله كل خير :laugh: :yessmile: :yessmile: :yessmile: :D

عاشق ومحرووووم
18-11-2004, 07:31 AM
ياهلا بابو عدسا

ماقصرت يالغالي لا عدمناك

هالحين وانا اخوك انا عندي اكس بي بروفيشونال

واول ماركبته سويت تحديث للويندوز وضبط معي بعدها فصل على الخط

ولما جيت اسوي تحديث مره ثانيه يعطيني التحديثات اللي ابيها لكن لما اجي احملها في مربع الحوار اللي يطلع لي ياخذ شوي ثم يقول لي فشل

قلبته يمين قلبته يسار عيا يحمل يجيني مربع الحوار حق التحميل ثم يقول لي فشل

بعدين فتره سويت التحديث مره ثانيه قال لازم تركب سيرفس باك 2 حق الاكس بي

هالحين وانا خيك انا وش اسوي

لا هو عيا يحمل التحديثات الضروريه ولا هو عيا يحمل السيرفس باك 2

وسؤال ثاني : كيف اعرف ان النسخه اللي عندي اصليه ولا لا ؟

واعذرني ان كان ثقلت عليك


تحياتي

mcfe
04-01-2006, 01:29 PM
مشكور

mostafarock83
30-01-2006, 10:46 AM
مشكوووووووووووووووور



واللى عنده مكافى توجد فى ال سكيورتى سنتر كلمة وندوز ابديت يعمله enabled

nona3292
15-02-2006, 01:00 AM
يعطيك العافية

اثيروه
07-04-2006, 05:11 AM
يعطيك العافيه على هذا المجهود bo3adsa

بس الصور ماتطلع بالمره

تحياتي لك

DeATh_kNiGhT
07-04-2006, 02:58 PM
مشكور على الموضوع يا ابو عدسا بس الصور ماهي راضيا تطلع عندي

baseem altwajre
04-06-2006, 10:10 AM
تسلم على المعلومات الحلوة ........................................ ...............

BONDOK111
04-06-2006, 04:56 PM
مشكوررررررررررررررر وجارى التجربة

ابو تركيـ
07-09-2008, 10:34 PM
مشكور وماتقصر لكن انا سويت الي تقول ومانفع جاني التحقق من الوندوز ظغطت الا طلعلي البرامج الاصليه


وكل يوم اسوي لكن بدون فااايدهـ

ابو تركيـ
07-09-2008, 10:36 PM
شكل صاحب الموضوع سحب علينا